تفاصيل الاشتراك
الباقة المميزة
باختصار: تقديمك كامل علينا، بس عب معلوماتك الشخصية والباقي علينا
للتقديم على 3 جامعات
ر.س
قسّمها على ٤ مع تمارا ·
اللي تشمله الباقة
- كتابة مقالك الشخصي عبر مختص لاستخراج قصتك ونقاط تميّزك
- كتابة المقالات التكميلية (كتابة من مختص ومراجعات حتى تناسبك المقالات)
- صياغة الأنشطة بطريقة تبهر لجنة القبول (مجربة من ٣ دفعات طلاب)، واقتراح أنشطة تناسب ملفك وتخصصك
- اختيار الجامعات حسب احتياج الشركات وبلا تكدس
- تعبئة طلبات التقديم وإرسالها عنك، وشرح منصات التقديم وملفاتها
- متابعة معك لين توصل جامعتك: الابتعاث، الفيزا، والسكن
- دعم ابتعاث كاوست KGSP: مقالات البرنامج والتحضير للمقابلة الشخصية
الباقة موجهة للتقديم على ٣ جامعات بحد أقصى.
إعفاء رسوم التقديم
عندنا جامعات متعاقدة معنا تعفي طلابنا من رسوم التقديم، وكل جامعات الابتعاث داخلة ضمنها ما عدا جامعات كاليفورنيا، Arizona State، Michigan State. الرسوم تقريباً ٣٠٠ ر.س لكل جامعة. الإعفاء يشمل كل جامعة متعاقدة، وأحياناً الجامعة تغيّر سياستها وتوقفه، فما نقدر نضمنه.
المتابعة: معك لين توصل جامعتك
- التقديم على الجامعات ومتابعة كل قبول لين النتيجة
- التقديم على الابتعاث ومتابعته معك
- الفيزا وإجراءات السفر
- السكن: نوجّهك فيه لين تستقر
تواصل معنا واتساب في أي وقت خلال رحلتك — من أول يوم لين ما تستقر في جامعتك.
الجلسات الاستشارية المضمّنة
- جلسة استشارية واحدة (٢٠ دقيقة لكل جلسة)
- بعد الشراء: احجز موعدك من لوحة التحكم في المنصة (بدون دفع إضافي)
- صالحة حتى مارس ٢٠٢٧
الضمان الذهبي: قبول جامعي أو استرجاع كامل
إذا ما وصلك ولا قبول من الجامعات المعتمدة في قائمتك، نرجّع لك كامل مبلغ الباقة. الضمان لمعدل ٨٥٪ فأعلى من ١٠٠.
شروط الضمان
- معدلك الثانوي ٨٥٪ فأعلى من ١٠٠. أقل من كذا الباقة تبقى متاحة لك بكامل خدماتها، لكن بدون الضمان
- تحقق الحد الأدنى لدرجة اللغة المطلوبة في جامعات قائمتك
- تبقى على تواصل معنا وترد علينا، وتسلّم المستندات والمعلومات اللي نطلبها منك في وقتها عشان نقدّم في المواعيد
- تعتمد الجامعات اللي رشحناها لك: فيها جامعة أو أكثر نرشحها كخيار آمن على أساس ملفك ودرجاتك، وجامعة واحدة على الأقل بمسار إمداد. تقدر تناقشنا فيها ونعدّلها بالاتفاق، لكن ما تلغيها من طرفك
- وثائقك ودرجاتك صحيحة وكاملة
- ما تعدّل المقالات ولا بيانات الطلب بعد اعتمادها، ولا تقدّم بنفسك على نفس الجامعات
- توصلنا نتيجة كل جامعة خلال ٧ أيام، وما تسحب طلباً ولا ترفض قبولاً وصلك
- تكمل معنا لين تصدر قرارات الجامعات. لو عدلت عن الابتعاث أو توقفت لظرف شخصي أو عائلي، الضمان ما ينطبق
بعد الدفع، بالترتيب
- يوصلك إيميل تأكيد، وباقتك تنفتح على حسابك بنفس الإيميل اللي دفعت فيه
- تكمّل ملفك في المنصة، ويبدأ الفريق بترشيح جامعاتك وكتابة ملفك
- تراجع الترشيحات والنصوص وتعتمدها، وتحجز جلساتك من لوحة التحكم وقت ما تبي
- نقدّم على الجامعات، وتتابع كل قبول من نفس اللوحة لين النتيجة
اللي عليك أنت
- تعبّي بياناتك ودرجاتك وشهاداتك في المنصة
- تجاوب على أسئلة المختص عشان يطلع المقال بقصتك أنت
- تراجع وتعتمد الجامعات المرشحة والنصوص قبل الإرسال
- ترفع مستندات كل جامعة (الشهادات، الجواز، اختبار اللغة إن طُلب)
ما تشمله الباقة
- رسوم التقديم لو الجامعة غيّرت سياستها ووقفت الإعفاء، وجامعات كاليفورنيا، Arizona State، Michigan State ما تعفي أصلاً
- رسوم اختبارات اللغة والاختبارات الأكاديمية
- تكاليف الفيزا والسفر والسكن: نوجّهك فيها بالجلسات، وتبقى على حسابك
- الضمان على القبول الجامعي فقط: قبول الابتعاث والفيزا خارج نطاقه
الاسترجاع يكون خلال ٢٤ ساعة من بداية الطلب، وبعدها يبقى استرجاع الضمان الذهبي حسب شروطه.
في حال وجود استفسارات تواصل مع رقم الأكاديمية:
التقديم يكون لترم الخريف ٢٠٢٧ الذي تبدأ دراسته بشهر ٨ سنة ٢٠٢٧.
لا تشمل طلبة الماجستير أو الدكتوراه.